ليش أسبانيا مش ألمانيا؟

لأني غيرانة من مدونة أفيون..ولأن كل الاصدقاء الاعزاء شجعوني اكتب ما في بالي وأكون أنا ومنهم المدون الشهير سامي بن غربية..ولأنه ما في محرر جريدة يحاسبني على اللغة العربية والأخطاء..قررت أن أكتب ما أريد وبالطريقة التي أريدها..لذلك سأخوض التجربة الاولى وبالعامية..فالتدوين لازم يكون اكثر بحبوحة من الكتابة الرسمية ..

أبرز شي صار معي اليوم ..حضوري لمباراة ألمانيا وأسبانيا…كنت في جاليري الاتحاد..وكل الدنيا هناك بتحضر..والمكان رائع لأنه مفتوح على السما..المشكلة الوحيدة انهم باخذوا وقت لما يشغلوا المتوور في حال قطعت الكهربا فجأة ومرات بكون جاي هدف بهذا الوقت..يعني الواحد أو الوحدة بنمز أو بتنمز..على أساس اليوم كان في عدد من البنات لا بأس به بحضروا وبالمناسبة هذه ظاهرة ايجابية في غزة..

خلينا في المباراة..انا بشجع ألمانيا لأسباب كثيرة احدها انه في صديق الماني بعزه..ولحظتها كان معي اون لاين على السكاي بي من المانيا وبحكيلي انه الالمان حاسين بالهزيمة منذ البداية وما بشجعوا فريقهم لأنه تنبؤات الاخطبوط بتقول اسبانيا حتفوز..اخطبوط سيطر على الالمان تخيلوا…الي بده يعرف قصة الاخطبوط يفتح هذا الرابط

http://arabic.cnn.com/2010/entertainment/7/3/octopus.matchs/index.html

معظم الي في الجاليري كانوا بشجعوا اسبانيا بعضهم بقول علشان المسلمين حكموها 500 سنة …دايما فتشوا عن الاسلام بالنسبة لاهل غزة حتلقوه السبب في كل شي …عموما هذا مش الموضوع..هلأ صديقي الالماني بحكي طيب ما احنا كان عندنا هتلر ليش ما بشجعونا..أعتقد انه رد زكي ..بس حكتله اكيد اليهود مش حيكونوا سببب لاي شي بعملوه الفلسطينيه ..مقابل تشجيع موضوع اسلامي زي اسبانيا ..

طبعا صديقي بكره هتلر بس هو مستغرب لهذا الكم الي بشجعوا في اهل غزة اسبانيا احكولي انتم ليش؟

Advertisements

10 تعليقات to “ليش أسبانيا مش ألمانيا؟”

  1. لؤي Says:

    بالاول موضوعك حلو
    بس يا اسما فضحتينا احنا والجاليري
    ومشاني موظف بالجاليري اللي عام بتطلعي عليه اشاعات مغرضة ما بعرف لصالح مين؟؟؟!!!
    المباراة الجاية ما في عنى وسع والكهربا قاطعة والماتوور خربان
    كله محجوز
    وسلميلي على صاحبك الألماني يا مشجعة هولندا
    سلامين وحتة

  2. الأفيوني Says:

    حبيت التدوينة ، و يا ريت كل مسا زي هالمسا .. و خلينا نشوف التدوينات بشكل يومي 🙂

    اخت كأس العالم شو بدي بسمواتو

    بخصوص كأس العالم أنا شخصياً مقاطعو ، بس إنتي إحكيلي ليش الدول الفقيرة محرومة من المشاركة و ليش أغلب الفلسطينين مهتمين؟! مهو الفاضي بعمل قاضي و ع الحالتين خسرانين إذا إلتهو بكأس العالم بنقول بعملو اشي تقريباً مفيد و إذا ما كان في كأس العالم بكون المجتمع التقليدي جداً بحكي بقصص غريبة و بيعش بطيبعتو الفضولية على هموم و مشاكل الناس، ليش مش من حق الدول الفقيرة انها إدرب لاعبيها و تكبر نواديها و تزود ؟

    بس هاي فرصة جيدة انو المجتمع الغزاوي يحكي بشي و يتوحد بمنافسة شريفة لا آخرها ضرب رصاص بالنار ولا طوشة تكسر المكان ..

    بس وين الناس الي بجرو ورا الإعلانات و بلهثو ورا القهاوي و الفضائيات من قضيتهم الأولى وليش ما ببينو لما يحسو إنهم لازم يتحركو و ليش ما الهم قصة يحكو فيها غير كأس العالم ليش الخوف دبحنا و ليش الأمل انعدم ليش لهلأ ساكتين

  3. الأفيوني Says:

    يمكن لإنو الساعة صارت سبعة و نص بس برجع بحكي رأي من جديد بكرا

  4. Sam Says:

    La2no aghlab ahel ghaza beshg3o barcelona w real madrid… el kora el espanya mashhoora.
    ha ha ha el espan men aktar el nas karhyeh lal moslmeen, 5sosan b3d ma el masi7yeh 7aroro espanya a 6ardo el moslmeen wel yahoo menha 🙂

  5. رامي مراد Says:

    بصراحة اكثر ما شدني ان دول وصلت من التقدم والحداثة ما وصلت وتعتمد بتوقعاتها على الخرافة لكني متاكد انهم يتعاملون معها ليس كما يتعامل من يؤمن بالجن في بلاد الرجعية والظلام فهم يتعاطون مع هذه كتسلية او للرهان لكنها ابدا لم تتحكم بحياتهم اليومية اما من يؤمن بالجن فيسلم نفسه له لدرجة انه يمكن ان يعتقد ان خيط رفيع مع بعض العبارات ربما تمنعه من الدخول على زوجته لية زفافه عمومخا راح احاول ان احضر مباراة النهائي بالجالري

  6. شادي العمري Says:

    الكم الله يا اهلنا في غزه … انا شخصيا ما بشجع حد كنت مع الجزائر وسابقي وبخروج الجزائر من المونديال خرجة انا ولا داعي لمشاهده اشياء ما بتعنيني …
    بس الي بدي اسألوه لو تلعب فلسطين مع اسبانيا يا ترى بنشجع مين …؟؟؟
    انا شخصيا راح اشجع الجزائر … لاني مش عارف وين صفة فلسطين وقضيتها … هي اني فلسطين … غزه فلسطين … ولا القدس و48 هي فلسطين ولا الضفه والاغوار هي فلسطين … ولا ليكون فلسطين اماره من امارات ايران وقطر …
    اذا انا مزج اسف بس هي الوضع
    اخوكم المشتاق لغزه شادي العمري ______فلسطين

  7. امين ابو وردة Says:

    يا رب تبقى ايامكم بغزة فيها فسحة لمتابعة ما يجري في العالم وهذا انتصار على الحصار

  8. بيان Says:

    بالعكس شو فيها لما أشجع اسبانيا … الواحد بيحن للمكان اللي الو ارتباط فيه اي نعم حكمناها 500سنة .. اشي بيفتخر الواحد فيه .. يعني الشخص بميل للي بخصو او بيقربلو او الو علاقة فيه
    وهادا الاشي كتير عند الشخص اللي ما الو بالكورة فما بيعرف عن اللعب .. يعني انا شجعت اسبانيا بس كنت احب لعب المانيا .. والجزائر شجعناها بس للاسف طلعت ..
    اخ شادي .. اكيد راح نشجع فلسطين .. وفلسطين هي كل الاراضي اللي بضمها الخريطة تبعت زمان .. مهما تفرقت جغرافيا او سياسيا .. مش بس الوضع السياسي اللي نشوفو والحكومات .. اطلع ع الشعب واكيد راح تلاقي فلسطين ..

  9. تجمع المدونين الفلسطينيين Says:

    ليش أسبانيا مش ألمانيا؟…

    لأني غيرانة من مدونة أفيون..ولأن كل الاصدقاء الاعزاء شجعوني اكتب ما في بالي وأكون أنا ومنهم المدون الشهير سامي بن غربية..ولأنه ما في محرر جريدة يحاسبني على اللغة العربية والأخطاء..قررت أن أكتب ما أريد وبالطريقة التي أريدها..لذلك سأخوض التجربة الاولى وب…

  10. استضافة المواقع Says:

    أسأل الله لك التوفيق والتقدم الى الامام

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: